IT Connextion Torneo di Ranking

Exitoso Tornéo Rènkin di Pinpòn – ITconnection

Dialuna 19 di janüari último federashón di pinpòn di Bonèiru (BTTB)  a organisá su promé tornéo di aña pa Senior patrosiná pa ITconnection. A pesar di ausensia di algun hungadó klave manera Freddy Beukenboom, René Evans, i Leo Domacassé, por bisa ku e tornéo tabata un éxito rotundo kontando ku partisipashón di 15 hungadó.

A reparti e hungadonan den 3 plug di 5 hungadó i a hunga un round robbin pa asina saka di kada grupo e nr 1 te 5. Después di e prome ronda aki e number 1 nan di kada grupo a sali kontra otro pa asina determiná e posishonnan 1 te ku 3. Aki Erik van Veenendaal ta gana tanto di Almar Nicolaas (3-0) komo di Jean Claude Clementina (3-2) i ta termina na promé luga. Espesialmente Jean Claude Clementina a demostrá ku su wega a desaroyá hopi i por poko por a titula kampeón di e tornéo si no tabata pa e dos derotanan pèrta kontra Erik i Almar. E la demostra ku meste tene debido kuenta ku ne den futuro. Almar ta keda na di dos puesto. I Jean Claude na di tres puesto.

E nr 2 di e gruponan a hunga pa puesto 4, 5 i 6. Aki otro hungado hoben Yonathan Ford ta demostra bon partido ganando di e  hungadonan veterano Junny Vos i Junny Lopez i ta termina asina na di 4 lugá. Junny Vos ta termina na di 5 luga, mientras ku Junny Lopez ta keda na di 6 puesto.

E tornéo a konta tambe ku partisipashón di e dos hungadonan hubenil Arnold i  Raynold Wilsoe ku un biaha mas a demostra ku nan no ta baha kabes pa diferente hungado veterano, muestra di esaki ta e puesto ku nan a termina ku ne den e torneo aki.

E klasifikashón final di e torneo ta lo siguiente:

1. Erik van Veenendaal
2. Almar Nicolaas
3. Jean Claude Clementina
4. Yonathan Ford
5. Junny Vos
6. Junny Lopez
7. Percy Prudencia
8. Robin Jayesuria
9. Raynold Wilsoe
10. Alberseeto Cicilia
11. Arnold Wilsoe
12. Alfred Nicolaas
13. Carlos Briceño
14. Rolly Pourier
15. Patrick Schreurs