Torneo Akkermans

TORNEO DI PINPON PATROSINA PA AKKERMAN’S AUTOSUPPLIES

Federashon di Pinpòn Boneriano (BTTB) riba djaluna 4 di yüni i djarason 6 di yüni último a organisá un torneo di pinpòn pa su miembronan señor. E torneo a ser patrosiná pa Akkerman’s Autosupplies. A partisipá en total 9 miembro ku durante dos anochi a kompetí kontra otro hungando tur kontra tur.

Komo kampeon a resultá Alfred Beukenboom ku a gana tur su partidonan. Na di dos lugá a resultá Almar Nicolaas ku 6 partido ganá i dos pèrdí. Na e terser puesto a terminá René Evans ku 5 partido gana i 3 pèrdí.

E Federashon di Pinpòn por mira bek riba un torneo eksitoso kaminda e hungadó nan mas hóben manera Jean Claude Clementina, Percy Prudencia, Carlos Briceño, Emanuel Lont, Almar Nicolaas  por a kompetí kontra e veterano nan manera Junny Vos, Alfred Nicolaas, i Alfred Beukenboom.

Federashon di Pinpòn ta spera ku esaki tabata un estímulo pa esnan mas hóben sigui práktika pa por duna e veterano nan mas kompetensia. Un gradisimentu speshal ta bai pa Akkerman’s Autosupplies pa nan patrosinio.