Torneo Hubenil pa Napa

Diasabra 9 di yüni último Federashón di Pinpòn Boneriano (BTTB) a organisá den kuadro di su plan Strategiko un Tornéo Hubenil patrosina pa Napa. E hoben nan a kompeti den tres kategoria: U18, U13 i U11.

Tabata un mainta hopi anima i e hoben nan a diberti hungando pinpòn. Un punto positivo ta ku mayoría miembro di Dirketiva tabata presente no solamente pa apoya e muchanan pero tambe pa asisti ku e guía di e tornéo ku tabata na enkargo di Carlos Briceño, Almar Nicolaas i René Evans. E entrenador nobo sertifika internashonal Nòno Vos ku próximo lo kuminsa duna entrenamentu mas avansa na e miembronan di BTTB tambe tabata presente pa asina orienta i duna su aporte.

E resultado nan tabata lo siguiente:
U11:  1. Angenie Nicolaas, 2. Jayli’n Martines, 3. Asantanie Nicolaas
U13:  1. Sulfyan Plaate,  2. Mijuar Nicolaas,  3. Mitchel Koeler;
U18:  1. Reynold Wilsoe,  2. Arnold Wilsoe,  3. Shaquille Hazel;

Na final di e torneo sr. Lendering di NAPA a hasi entrega di e premionan. BTTB ta gradisi NAPA pa su patrosinio di semper ku asina tambe ta kontribui na desaroyo di pinpon. BTTB ta invita su miembronan espesialmente esnan hubenil pa sigui partisipa na e entrenamentu nan den preparashon pa e torneo internashonal Dutch Caribbean Youth Table Tennis Tournament ku lo tuma luga den luna den oktober di e aña aki.